Vëllaznimi njofton basketbolldashësit lidhur me biletat për Final 8

16:09 | 12 Shkurt 2024
D.H

Final 8 Kupa e Kosovës do të fillojë nesër në qytetin e Gjakovës.

Ky event do të zgjasë nga dita e nesërme deri të shtunën ku edhe do të përcaktohet fituesi, shkruan Arbresh.info.

Klubi i Vëllaznimit si organizues i kësaj ngjarje ka dal në njoftim lidhur me detajet e biletave për sfidat e nesërme hapëse të eventit.

Tri ndeshje luhen gjatë ditës së nesërme, fillimisht luhen ndeshja gjysmëfinale e Kupës në Ligën e parë mes Borës dhe Kosovarit, ku çmimi i biletës për këtë ndeshje do të jetë 2 euro.

Ndërsa me fillim nga ora 17:00 do të filloj edhe zyrtarisht Final 8 i Kupës së Kosovës me ndeshjen Trepça-Istogu, në këtë sfidë bileta do të jetë 3 euro.

Çmim i njëjtë pritet të jetë edhe në ndeshjen mes Vëllaznimit dhe Yllit, ndeshja tjetër çerekfinale që luhet nga ora 20:00.

Ndërsa sa i përket biletës VIP, klubi gjakovar ka njoftuar se çmimet në këtë pjesë do të jenë 10 euro.

Këto çmime janë fillestare dhe mund të ndryshojnë në vazhdim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm